Irish Language
Dail Éireann — 2025-10-16
============================================================

Peadar Tóibín (AON), Meath West

Scríobh Charles Dickens an abairt "It was the best of times, it was the worst of times". Is féidir an méid céanna a rá mar gheall ar an nGaeilge. Tá go leor fuinnimh sa Ghaeilge ag an mbomaite, go háirithe ar na meáin shóisialta. Tá sé feicthe ag daoine gach lá. Tá go leor suim ag daoine óga inti. Mar gheall ar an Oireachtas, tá go leor fuinnimh ann an bhliain seo freisin ach tá go leor de na rudaí tábhachtacha - an líon daoine atá ag labhairt na Gaeilge sa Ghaeltacht, an líon páistí atá ag déanamh Gaeilge le haghaidh na hardteistiméireachta agus an méid seirbhísí atá le fáil sa Ghaeltacht - ag titim. Tá fadhbanna ollmhóra ann. Cad atá an Rialtas ag déanamh chun é sin a athrú?

---

Source: Houses of the Oireachtas. Licensed under CC BY 4.0 (https://creativecommons.org/licenses/by/4.0/). The Official Report is revised after first publication; the fetch timestamp below identifies the version quoted.

Record URI: https://data.oireachtas.ie/akn/ie/debateRecord/dail/2025-10-16/debate/main
Retrieved: 2026-08-14T04:54:14+00:00
Sitting date: 2025-10-16