Cúrsaí Tithíochta
Dail Éireann — 2025-12-04
============================================================

Naoise Ó Cearúil (FF), Kildare North

Is dea-nuacht é sin. Mo bhuíochas leis an Aire go bhfuil sé ag buaileadh le príomhfheidhmeannach Údarás na Gaeltachta le breathnú air seo agus ar na féidearthachtaí atá ann. Mar is eol dó, tá grúpaí éagsúla ann ar nós BÁNÚ agus Tinteán atá ag déanamh iarracht an cás seo a chur os comhair an phobail. An cás ná nach bhfuil tithíocht nó cead pleanála á fháil ag muintir na Gaeltachta agus go bhfuil sé deacair dóibh fanacht sa Ghaeltacht agus go mbeadh daonra óg sa Ghaeltacht freisin. Tá sé sin fhíorthábhachtach go háirithe do thodhchaí na Gaeltachta agus go mbeadh sé tarraingteach do dhaoine óga agus do phobal labhartha na Gaeilge chomh maith b’fhéidir bogadh go dtí an Ghaeltacht. É sin ráite, fáiltím roimh an dea-nuacht ar maidin go mbuailfidh an tAire leis an bpríomhfheidhmeannach agus go mbreathnóidh sé ar na féidearthachtaí atá ann ó thaobh pleanála de.

---

Source: Houses of the Oireachtas. Licensed under CC BY 4.0 (https://creativecommons.org/licenses/by/4.0/). The Official Report is revised after first publication; the fetch timestamp below identifies the version quoted.

Record URI: https://data.oireachtas.ie/akn/ie/debateRecord/dail/2025-12-04/debate/main
Retrieved: 2026-08-14T04:54:25+00:00
Sitting date: 2025-12-04