Cúrsaí Tithíochta
Dail Éireann — 2025-12-04
============================================================

Dara Calleary (FF), Mayo

Táimid ag obair leis an údarás ach tá sé tábhachtach go bhfuil na húdaráis áitiúla ag obair freisin agus go bhfuil siad ag cur béime ar chúrsaí pleanála sa Ghaeltacht agus ag obair leis an Roinn tithíochta. Beidh mé ag obair leis an Aire tithíochta ar an bhfadhb seo agus ar an dúshlán. Tá sé tábhachtach go bhfuil cinnteacht againn faoi stádas na talún sin agus faoi stádas na sites atá ag an údarás agus fios a bheith againn an bhfuil siad réidh don pleanáil. Luaim ní hamháin cúrsaí seirbhíse, cúrsaí uisce nó séarachais ach freisin dlí pleanála agus gach rud mar sin. Is é seo príomhthosaíocht na Roinne tithíochta agus beidh mé ag obair leis an Aire. Tuigeann sé. Bhí cruinniú ag an mbeirt againn le BÁNÚ agus le Tinteán i rith an tsamhraidh faoi seo. Beimid ag obair agus beimid ag cur béime air sin. Má tá sonraí ag aon Teachta faoi thalamh nó faoi site sa Ghaeltacht, iarraim orthu na sonraí sin a chur chugam agus déanfaidh mé obair orthu.

---

Source: Houses of the Oireachtas. Licensed under CC BY 4.0 (https://creativecommons.org/licenses/by/4.0/). The Official Report is revised after first publication; the fetch timestamp below identifies the version quoted.

Record URI: https://data.oireachtas.ie/akn/ie/debateRecord/dail/2025-12-04/debate/main
Retrieved: 2026-08-14T04:54:25+00:00
Sitting date: 2025-12-04