An tOrd Gnó - Order of Business
Dail Éireann — 2021-10-05
============================================================

Catherine Connolly (IND), Galway West

Ba mhaith liom mo dhíomá agus mo chuid feirge a chur in iúl go bhfuil sé leagtha amach go mbeidh díospóireacht srianta againn amárach ar feadh trí uair agus fiche nóiméad. Tá sé sin scannalach agus maslach agus nílimid chun glacadh leis. Níl sé féaráilte. Táimid ag fanacht leis an mBille le fada. Níl a fhios agam cé chomh fada agus atáimid ag fanacht - ag dul siar go dtí 2015 - agus fós, níl na leasuithe feicthe againn sa bhunpháipéar.
Níl sé foilsithe fós ag Oifig na mBillí agus níl locht ar bith uirthi. Tá an locht go huile is go hiomlán ar an Rialtas. Ní féidir leanúint ar aghaidh agus a rá go bhfuil sé dáiríre faoi Bhille nua agus an t-am chomh srianta agus atá sé.

---

Source: Houses of the Oireachtas. Licensed under CC BY 4.0 (https://creativecommons.org/licenses/by/4.0/). The Official Report is revised after first publication; the fetch timestamp below identifies the version quoted.

Record URI: https://data.oireachtas.ie/akn/ie/debateRecord/dail/2021-10-05/debate/main
Retrieved: 2026-08-14T04:49:39+00:00
Sitting date: 2021-10-05